Gamoh Merkezi Komitesinin (GMK) Muracieti

Sayqılı silahdaşlar!

Sevimli Güney Azerbaycan Milli Herekatın lideri Pr.Dr Çağrı bey Çöhreqanlı cinabları! 

Bu gün gözlerimizden göz yaşı yerine qan damlayır. Bu gün bacılarımız, qardaşlarımız inanmadığımız bir vezde qarşı-qarşıya dürüblar. Hereketde milletimiz ve genclerimiz inanılmaz başarılara qol çekdiyi zaman şokverici bir mesele hamımızı şaşdırdı.

Gamoh qan qeyb edir! Bir çox güvendiyimiz,sevdiyimiz silahdaşlar teşkilatı terk edib ve 35 000 000 Güney vetendaşımızı acı bir durumda saxlaşdırdılar. Hüseyn Türkelli teşkilatı terk edir.Bu demek en böyük kadrlarımızdan birin elden verdik.  Dalısıca her kesin sevdiyi milli qahremanımız Mohemmed Reza Ağapur Azerbaycan fedrasiyonun başqanı teşkilatdan ayrılır. UNPO sorumlusu Davud bey Savalanoğlu  istifa verir. Babek Merendli istifa verir. Profesor Yezdani təşkilatı qayqısı üzdən istifa verir. . En fanat Gamohçulardan biri ki canın Gamoh ve onun deyerli liderine vermeye hazır idi , Babek qalasının qartalı Alpay Azeran istifa edir.  Dalısıca çoxlu bacı qardaşımız Gamohu terk ediller. Bu veziyet içeriyede tesir qoymağa başlayıb. Burda heç kesin ehvalatı normal deyil. Her kes esebi ve tartışma ve hetta döyüşmek rühiyesindediler. Neden? Sebebler nedir? Bizi üzen nuqte istifa edenlerin çoxun içeriden ayrılan soydaşlarımız teşkil edirler. Ne isteyirdile ki Gamohda tapa bilmediler? Gamoh neden onları irza salmadı? Onların usyankar ruhiyeleri neden Gamoha qanıq olmadı?

Sayın milli lider Pr. Çöhreqanlı cinabları!

Burda qardaş, qardaş qanı töke biler. Bu birin puçaxlayır. Sabah o bubirsinin hürmetin sındırır. Biz bu veziyetden yorulmuşuk. Canımız boğazımıza gelib. Burda veziyet xaricden daha gergindir. Sizin son zamankı mozeniz Azerbaycan bayrağı ve dövletçiliyine qarşı hamımızı üzür. Biz sizi bir milli lider kimi inanmışıq. Bu inanca sahib durun. Ayrılan dostları bir araya getirmek böyüklükdür. İndi sizin çevrenizde qalan insanların çoxu tecrubesiz ve ya komonistlerdiler. Elden verilen kadrların en yaxın zamanda teşkilata dönməkləri mərkəzi komitenin en vacib istekidir. Bölücü və eyni halda İran hakiymiyəti sevən yazıların önün alın. Mahmud Fazelyan(bilgin)qardaşın yazısına çox təssufləndik. Təmamilə körpuləri yıxan bir ehtivada göründü. O qədər təssüfləndik ki, bu muraciəti yazmaq qərarına gəldik. Tərsinə Sayın Dr. Yəzdani kimin dəyərli və savadlı insanların görüşləri barış məsələsilə bağlı bizə ümüd verdi.

Ulu öndərimiz! Biz sənin əsgərlərin olaraq 35 000 000 güney Azərbaycanlının bir evladı kimin sizdən rica edirik hər kəsə izn verməyin bu ixtilaflardan faydalanıb və daha soyu bulandırsın. Biz Mahmud bey Fazelyanın(Bilgin) qoyduğu əməkdən xəbərimiz var. Ama da bu səbəb olmaz ki, geri ədəbiyyatla bizim qardaşları təhqir etsin. Onların Təşkilatdan ayrılmaqlarına baxmayaraq, bizim canımızdılar. Bizim soydaşımızdılar. Bir millətçi bu cür soydaşı haqda yazmaz. Biz mərkəzi komitə olaraq bu məsələ haqda mubahisə edib ən uyğun qərarı Güney Azərbaycan Türk millətinə təqdim edəcəyik.

Sayqılı istifa veren silahdaşlar!

Bu oyuna son qoyun. Biz sizsiz Gamohu, ve Gamoh sizsiz hereket etmeyin anlamı yoxdur. Siz milletimizin güvencisiz. Milletimizin en şerefli evladlarısız. Sizin Gamohdan ayrılmanız bizi narahat edir. Önderimizin arxasında durmaq sizin borcunuzdur. Onu yalnız buraxsanız, ona sahib duranlardan qorxuruk. Sizden rica edirik tezlikle bu meseleye son qoyun. Demokratik bir seçimler esasında yeni bir qurup seçin. Önderimizle birge olun. Onu tecrubesiz ve komonistler ichinde yalnız buraxmayın. Biz oqeder ki, sizi elden vermekden qorxuruq ve xoşlanmırıq, önderimizinde tekbaşına buraxılmasından qorxub ve xoşlanmırıq.

Ulu liderimiz demişkən: Bir millətçinin təməl düşüncəsi demokrasi olmalıdır!

Sizdən soruşmaq haqqımız var ki, nədən dialog qapıların qapadıb və bu cür təcili istifa oynuna girişdiz?

Her iki terefi xitab edirik:

Biz Azerbaycan bayrağını canımızdan çox sevirik. Azerbaycan dövletçiliyi uğrunda can vermeye hazırıq. Türkçüyük ve milletçi. Bu mohemlere sayqısızlık eden insanları teşkilatdan temizlemekdir ki, sorunları hel edecek. Gelin ve birleşin. Gelin ve bizi teklifsizlikden qurtarın. Size qarşı yazan her kesi qınıyıb, ve mehkum edirik.

O üzdən Mərkəzi komitə olaraq istifa verənlərin istifasən qəbul etmirik. Onların təşkilatda mubarizələrinə davam verməklərin bir milli borc kimi bilirik.

Yaşasın Azerbaycan

Yaşasın Gamoh

Yaşasən Milli liderimiz Pr.Dr. Çağrı Çöhrəqanlı

Yaşasın Türkelliler, Ağapurlar, Savalan oğlular, Aranlar, Yezdaniler, Tebrizliler, Merendliler yaşasın….

Gamoh Merkezi Komitesinin (GMK)

 Güney Azərbaycan 1386-2-9