1.
مامورلار سیزی توتماغا گلنده کسین اونلاردان قاضی
طرفینده ن یازیلان توتوقلاما حوکمونو ایسته یین. حوکوم
اولمازسا دیره نه ره ک اونلارلا گئتمه یین.
2.
بازداشت اولدوغونوز زامان گوزلرینییزی باغلایاجاقلار.
گئییمینیزی ده ییشیب بهداریه گوتوره جکلر.
3.
اونملی بیر جیسمی اذیت اولاجاغی دوشونولمور. یالنیز
قورخوتماق آماجی ایله بعضی راحاتسیزلیقلار
یارادابیلیرلر.
4.
بازداشتگاهدا، نهایت عائیله نیزه تئلئفون آچماغا ايذين
وئریله جک. عائیله ایله دانیشقلارینیز اوستو
اورتولواولمالیدیر. شک يارادان کلمه لر دانیشمامالی و
ساده جه گونده مده ايشله نیلن سوزلردن
فایدالانابیلرسینیز. اونجه دن عائله نیزه و
یولداشلارینیزا تاپشیرینکی قورخمادان و چکینمه دن
سیزین توتولما خبرینیزی اینترنت و ماهواره
تلویزیونلاری واسیطه سی ایله دونیایا چاتدیرسینلار.
5.
سورولاری قیساجا جاوابلاینیز. دانیشیقلارینیز قانون
چرچيوه سينده اولمالی دیر.
6.
اوره یینیزده اولان میللی دوشونجه، آماجلار و
دویغولارینیزی گیزلی ساخلامالی سینیز.
7.
سئوگی لی یولداشلارینیز تانیتماییب، اونلارین باره
سینده دقیق بیلگی لر وئرمه یین.
8.
وورولاجاق اخلاقی ایتتیهاملارین هئچ بیریسینی نه
اوزونوزه و نه یولداشلارینیزا قبول ائتمه یین.
9.
هرگون وئردیگینیز جاوابلاری ايمضالاياندا، تاريخ
وورماغی اونوتمایین.
10.
بعضی سورغولاری جاواب سیزدا قویا بیلرسینیز.
11.
بازجولاردان اوز قانونی ایستکلرینیزی ایسته یه
بیلرسینیز. مثلا یئمک، گئییم، تنفوس، وکیل، اوز
ایتتیهامینیزین کتبی عونوانی، تئلئفون آچماق، کیتاب،
قلم، دوکتور، داوا و حتی تهدید و ایشکنجه ائدنلرین
قارشی سینی آلماق ایچین اونلارین ائتدیکلرینی راپور
حالینده یازماغی ایسته یه بیلرسینیز.
12.
قارا قورخولارا و آغیر توهمتلره آلدانمایین، .هامیسی
سونوندا بوشا چیخاجاقدیر.
13.
او بیری دوستلارینیزین ایتتیهاملارین و کیفرلرین ان
آغیر اولدوغونو سیزه سویله یه جکلر. بونلارا هئچ زامان
اینانمایین.
14.
مامورلارین سیزه ائشیکده ن وئردیکلری خبرلری و بئله
اولدو- ائله اولدو سوزلرینه اینانمایین.
15.
اونلارین حتی وئردیگی روزنامه لرین خبرلرینه
اینانمایین. بلکه او روزنامه هئچ ائشیکده چاپ اولمامیش
و مخصوصا فقط سیزی قاندیرماق ایچین حاضیرلانمیشدیر.
16.
ویدئو موصاحیبه لرینی موطلق قبول ائتمه یین. قبول
ائتمه سه نیز هئچ بیر ایش گوره بیلمزلر.
17.
هرگون وکیلینیزین اولماسینی ایسته یین.
18.
وورولان بوتون ایتتیهاملارا دلیل ایسته یین. دلیل سیز
ایتتیهاملارا جاواب وئرمه یین.
19.
اوز دوشونجه نیزی یوخاری بیر دوشونجه اولاراق ساده جه
قانون چرچیوه سینده اولدوغونو سویله یین.
20.
اگر سیللول دا بیریسی یانیزا گلیب و سیزین
شیکایتلرینیزی سورسا، چکینمه ده ن اونلاری سویله
یین.
21.
اگر سیزه حتی بعضی دوغرو ایتتیهاملار ورسالاردا، موطلق
تسلیم اولما ییب، اونلارین قانونسوز اولدوغونو قبول
ائتمه یین. قبول ائتسه نیز جورمونوزآغیرلاشابیلیر.
22.
بونو بیلین کی اونلار هئچ بیر ایتتیهامی موطلق ایثبات
ائده بیلمه یه جکلر. هامیسینا تردیدلری واردیر.
اونلارین بیلگی سی سیزدن یالنیز یوزده 10 جیواریندا
اولا بیلر، آمما اونلار گویا هر بیر شئی ده ن خبرلری
وار کیمی داوراناجاقلار.
23.
هئچ نه یین بیلمه سینی قاباقجادان دئمه یین. قویون
اونلار اوز بیلگی لرین وئرسینلر.
24.
اوز یاشاییش شرحینیزی قیساجا یازین. سیزین
یازدیقلارینیزدان فایدالانیب یئنی سورلار سورماغا
باشلایابیلیرلر.
25.
بوتون یازدیقلارینیزی خاطیرینیزدا ساخلایین. یالان
یازیلاریدا هئچ زامان اونوتمایین. یازدیقلارینیزی
بیرده سوراجاقلار.
26.
توتولان گوند ه ن هاواخوری ایسته یین، ورزیش ائدین، هر
گون حاماما گئتمک ایسته یین.
27.
روحیه نیزی ساغلام توتون . ماهنی و سرود اوخویون.
آنجاق اوز اوزونوزه دانیشمایین.
28.
کنارداکی سیلوللار ایله مومکون اولسا مورتبیط اولون،
آما بیرینی تانیمادان اونا اعتماد ائتمه یین.
29.
اطرافا یاخشی دیققت ائدین. گوردوکلرینیزی اونوتما یین.
آزاد اولاندان سونرا گوردوکلرینیزی خاطیره کیمی قلمه
آلین.
30.
بعضی بازجوئیلر گئجه یاریسیندا اولاجاق. قاپالی
دانیشین، اونلاری یورون آما اونملی سوز دانیشمایین.
31.
هئچ کیم ایله دوست اولمایین. خوصوصی ایله بازجولارین
بیریسی سیزینله دوست اولماق ایسته رسه اصلا اونا
اینانماین.
هئچ کیمسه یه گووه نمه یین. حتی آذربایجانلی اولسادا.
32.
اگر بیر نفری سیللول دا سیزین یانینیزا گوندرسه لر
عمومی و ساده سوزلر دانیشین، او بیر جاسوس اولابیلر.
33.
یولداش لار دیلیندن سیزه دئییلن سوزلری هئچ قبول ائتمه
یین.
34.
گله جه یی و آزادلیغی دوشونون.
35.
شیکنجه سسلرینه اینانمایین. نیه کی اونلارین چوخو
ناواردیر.
36.
میلتیمیزین نجاتینا و آزادلیغینا فیکیرله شین و بیلین
کی سیزین حبسینیز میللتیمیزین آزادلیغی دیر.
گله جک بیزیمدیر